অসম, ভাৰত আৰু ইংলণ্ডৰ কথা

কর্ণেল কিটিং: এবেই অসমৰ পোনপ্ৰথম চীফ-কমিচনাব। কর্ণেল হস্কিনচন চাহাবে পেনচন লৈ কামৰপৰা মেলানি লোৱাত, খ্রীঃ ১৮৭৪ চনত, অসমদেশ বঙ্গদেশৰপৰা বেলেগ কবি, এজন সুকীয়া চীফ-কমিচনাৰৰ শাসনৰ তলত ৰখা হয়, আৰু সেই চনতে কর্ণেল কিটিং চাহাবৰ শাসনৰ কালতে বঙ্গদেশৰপৰা কাছাৰ আৰু ছিলট এই দুখন জিলা ছিঙ্গি আনি অসমত চামিল কৰি, এই প্ৰদেশৰ সীমা আগতকৈ ভালেমান গুণে বঢ়োৱা হয়। আৰু, ১৮৭৫ খ্রীষ্টাব্দত, লঠা নগাক বশ কৰি, উখা পর্বতত এজন বৃটিচ কৰ্ম্মচাৰী নিগাজীকৈ ৰখাৰ নিয়ম কৰা হয়। বছৰ দহেকমানৰ পাচত, মককচাং পর্বতত মহকুমা পতাত, উখা তাৰ লগত চামিল হয়। চাৰ এচ টি বেলীঃ কর্ণেল কিটিং চাহাবে অসমৰপৰা বিদায় লোবাত, খ্রীঃ ১৮৭৮ চনৰ ডিচেম্বৰ মাহত চাৰ এচ টি বেলী অসমৰ চীফ কমিচনাৰ হৈ আহে। তেওঁৰ আমোলত, ১৮৭৯ খ্রীষ্টাব্দত, নগাপৰ্বতত খনমা নগা-বণ লাগে, আৰু সেই ৰণত বৃটিচৰ জয় হয়। চাব বেলী এজন বহুদর্শী শাসনকর্তা আছিল, আৰু অসমৰ উন্নতিৰ অর্থে তেওঁ ভালেমান পুৰুষাৰ্থ কৰিছিল। মিষ্টাৰ চি ইলিয়ট: চাৰ এচ টি বেলী চাহাবৰ পাচত, মিষ্টাৰ (পাচত চাৰ চার্লচ) ইলিয়ট চাহাব বাহাদুৰ খ্রীঃ ১৮৮১ চনৰপৰা অসমৰ চীফ-কমিচনাৰ হয়হি। তেওঁ এজন অতি মৰমিয়াল আৰু বিদ্যোৎসাহী শাসনকর্তা আছিল। তেওঁৰ শাসনৰ কালত অসমত শিক্ষাৰ বিস্তৰ উন্নতি হয়। প্রবেশিকা বা ‘এন্টাঞ্চ’ মহলাত উত্তীর্ণ হৈ অসমীয়া ছাতৰে কলিকতাৰ কলেজত পঢ়িবলৈ মাহে ২০ টকাকৈ জলপানী বা বৃত্তি ভোগ কৰিবলৈ পাইছিল, সেইটি উদাৰচেতা ইলিয়ট বাহাদুৰৰে অনুগ্ৰহৰ ফল। মিষ্টাৰ ডবলিউ ই ওৱাৰ্ড: মিষ্টাৰ ইলিয়ট ছুটীত যাওঁতে ১৮৮৩ খ্ৰীষ্টাব্দৰ ৭ জুলাইৰ পৰা ৭ অক্টোবৰলৈকে তিনিমাহ, আৰু চাৰ চাৰ্লচ ইলিয়টে অসমৰ চীফ কমিচনাৰ পদৰপৰা বঙ্গদেশৰ দুৱলীয়া গৱৰ্ণৰৰ পদলৈ পদোন্নতি পোৱাত, ১৮৮৫ খ্রীষ্টাব্দৰ ২৩ ফেব্ৰুৱাৰীৰপৰা ১৮৮৭ চনৰ ৩১ অক্টোবৰলৈকে দুবছৰ আঠমাহ মিঃ ওৱার্ড চাহাব অসমৰ একটিং চীফ কমিচনাৰ হৈছিল। মিষ্টাৰ ডি ফিটজপেট্রিক: চাৰ চাৰ্লচ ইলিয়ট চাহাব বাহাদুৰৰ পাচত, মিষ্টাৰ ডি ফিটজপেটিক খ্রীঃ ১৮৮৭ চনত অসমৰ নিগাজী চীফ কমিচনাৰ হয়। তেওঁ এজন বব ওখমনৰ অতি মৰমিয়াল শাসনকর্ত্তা আছিল। কিন্তু, তেওঁৰ শাসনৰ কাল পূর্ণ হ’বলে নৌ পাওঁতেই, খ্রীঃ ১৮৮৯ চনৰ জুলাই মাহত, তেওঁ অসম এবি যায়। তেওঁৰ দিনতে উত্তৰ-পৃচাইৰ ৰাজধানী বৃটিচ পলিটিকে। এজেন্ট এজন নিগাজীকে বাখিবলৈ নিয়ম করা হয়। মিষ্টাৰ জে ওবেস্টেলেণ্ড: মিষ্টাৰ ফিটজপেট্রিক চাহাব হঠাৎ অসমৰপৰা যাবলগীয়া হোৱাত, তেওঁৰ ঠাইত মিষ্টাৰ জে ওরেস্টলেও চাহাব, ১৮৮৯ খ্রীষ্টাব্দত জুলাই মাহৰপৰা অক্টোবৰলৈকে চাৰিমাহ, অসমত একটিং বা অস্থাযী চীফ কমিচনাৰ হৈছিলহি। অনৰেবোল মিষ্টাৰ জে ডি কুইণ্টন: খ্রীঃ ১৮৮৯ চনৰ অক্টোবৰ মাহত অনৰেবোল মিষ্টাৰ জে ডি কুইণ্টন চাহাবে অসমৰ চীফ কমিচনাবী বিষয়-বাব গ্রহণ কৰেহি। তেওঁৰ শাসনৰ কালত আও নগাৰ ৰাজ্য বৃটিচ দখলৰ ভিতৰ কৰা হয়। তাৰ পাচত, মণিপুৰত, খ্রীঃ ১৮৯০ চনত, এটা ভয়ানক বিদ্রোহ উপস্থিত হয়। সেই বিদ্রোহ দমাবলৈ যাওঁতেই মণিপুৰত তেওঁক আৰু পলিটিকেল এজেন্ট মিঃ গ্রীষ্ট্রদ প্রমুখ্যে পাঁচজন ইউৰোপীয় বৃটিচ বিষয়াক মণিপুৰীয়াবিলাকে ছলেৰে বধ কৰে। সেই অপৰাধৰ বাবে মণিপুৰৰ বজাৰ মন্ত্রী ভায়েক কুলচন্দ্রক ‘কলিয়াপানীলৈ মেলা’ হয়, আৰু ঘাই সেনাপতি যুৱৰাজ টিকেন্দ্রজিত (১) আৰু প্রধান সেনাপতি টঙ্গাল জেনেৰেলৰ ফাঁচি হয়। সেই সময়ৰ বজা সুৰচন্দ্ৰচিঙ্গক দেশান্তৰিত কৰি, ৰাজবংশৰ চূড়াচন্দ্রচিং নামেৰে নাবালক এজনক ৰজা পতা হয়। তেতিয়াৰপৰা মণিপুৰ ৰাজ্য অসমৰ চীফ কমিচনাৰৰ পোনহতীয়া তত্ত্বাৱধানত শাসন কৰা হৈছে। জেনেৰেল চাৰ এইচ. কলেট: অনৰেবোল মিষ্টাৰ কুইণ্টন চাহাবৰ অপমৃত্যু হোৱাত, জেনেৰেল চাৰ এইচ কলেট্ চাহাব এমাহমানলৈ অসমৰ একটিং চীফ-কমিচনাৰ হৈছিলহি। কলেট্ চাহাব পায়হিমানে, মাজতে কেইদিনমানৰ নিমিত্তে, মিঃ এ টি কেম্বেল চাহাবে চীফ-কমিচনাৰৰ অফিচৰ চাৰ্জ লৈছিলগৈ। চাৰ উইলিয়াম ওৱাৰ্ডঃ মিঃ কুইণ্টন চাহাবৰ ঠাইত মিষ্টাৰ ডবলিউ ই ওৱার্ড (পাচত চাৰ উইলিয়াম ওৱাৰ্ড), খ্ৰীঃ ১৮৯১ চনৰ মে’ মাহত, নিগাজীকৈ অসমৰ চীফ-কমিচনাৰ হৈ আহে। তেওঁ ইয়াৰ বছৰচাবেকৰ আগেয়ে অসমৰ ব্ৰহ্মপুত্র উপত্যকা খণ্ডত জজ আৰু কমিচনাৰ আছিল। তেওঁৰ শাসনৰ কালত অসমৰ মাটিব শ্রেণী বিভাগ কৰি প্রায় দুগুণ পৰিমাণে বাজহৰ নিৰিখ বঢ়াবলৈ প্রস্তাৱ কৰা হৈছিল। সেই বাবে অসমৰ প্ৰত্যেক জিলা আৰু মহকুমাতে ৰায়তে ওজৰ আপত্তিৰ সভা পাতি হুলস্থুল লগাই দিছিল। দৰং জিলাৰ অন্তৰ্গত পাথৰিঘাট তহচীলৰ ৰায়তবিলাকে এটা সৰুসুৰা বিদ্ৰোহৰ দৰে ঘটনা ঘটাই, কিছুমানে বাজকীয় শান্তিৰক্ষকৰ বন্দুকৰ গুলী খাই দেহা এৰিবলগীয়া হৈছিল। পিচে, সেই প্রস্তাবিত নিৰিখ দুখীয়া অসমীয়া প্রজাব পক্ষে বৰ অসহনীয় যেন হোৱাত, ভাৰত গৱৰ্ণমেন্টে পুনৰ সুবিচাৰ কৰি তাতকৈ অলপ কমাই এটা নিয়মীয়া নিৰিখ ধাৰ্য্য কৰি দিয়ে। চাৰ চাৰ্লচ জেমচ লায়েল: চাৰ উইলিয়াম ওৱার্ড ছুটীত যাওতে, ১৮৯৮ খ্ৰীষ্টাব্দৰ ১৭ জুলাইৰপৰা ৪ অক্টোবৰলৈকে, চাৰ চাৰ্লচ জেমুচ্ লায়েল একটিং চীফ কমিচনাৰ হৈছিল। তেওঁ এজন বুৰঞ্জী পিপাসু শাসনকর্তা আছিল (১)। মিষ্টাৰ এইচ জে কটন: চাৰ উইলিয়াম ওবার্ড চাহাবে পেচন লৈ কামৰপৰা মেলানি লোৱাত, ১৮৯৬ খ্রীষ্টাব্দৰ নবেম্বৰ মাহত, অনৰেবোল মিষ্টাৰ এইচ জে কটন (পাচত চাৰ হেনৰি কটন) অসমৰ চীফ কমিচনাৰ হৈ আহে। তেওঁৰ আমোলত, খ্রীঃ ১৮৯৭ চনৰ ১২ জুনত, এটা অতি ভয়ঙ্কর ভূমিকম্প অসমৰ ৰাজধানী শ্বিলং আৰু আন আন নগৰ উছনপ্রায় কৰে। ১৮৯৮ খ্রীষ্টাব্দত লুচাই পাহাৰৰ উত্তৰ আৰু দক্ষিণ ভাগ একেলগে কৰি, অসমৰ চীফ-কমিচনাৰৰ অধীনত ৰখা হয়। তেওঁৰ দিনতে ভাৰতবৰ্ষৰ গৱৰ্ণৰ জেনেৰেল বা ঘাই লাট লর্ড কার্জন চাহাব বাহাদুৰে ১৮৯৯ খ্রীষ্টাব্দত গুৱাহাটী, তেজপুৰ আৰু ডিব্ৰুগড়ত পদার্পণ কৰেহি। লর্ড কার্জনে অসমৰ অতি উজনি ভাগ মাঘেৰীতা, লিডু প্রভৃতি ঠাইলৈকো পর্যাটন কৰে। তেওঁ ডিব্ৰুগড, তেজপুৰ আৰু গুৱাহাটীত অসমৰ প্ৰজাৰপৰা অভিনন্দন-পত্ৰ গ্ৰহণ কৰিছিল। গুৱাহাটীত অসমৰ সকলো জিলাৰ মুখিয়াল মানুহৰে সৈতে গঠিত এখন বিৰাট দৰবাৰ বহিছিল, তাত প্ৰজাসকলৰ ফালৰপৰা ঘাই লাট বাহাদুৰক সম্মান কৰি এখনি অভিনন্দন-পত্র দিয়া হৈছিল। চাৰ হেৰি কটন চীফ-কমিচনাৰৰ যত্নতে গুৱাহাটীত পুনঃ দ্বিতীয় শ্রেণীৰ কলেজ এটা আৰু ডিব্ৰুগড়ত ‘বেৰি-হোৱাইট-মেডিকেল স্কুল’ স্থাপিত হয়। কটন বাহাদুৰে উনৈশ আৰু কুৰি দুটা শতাব্দীৰ ভাৰত-সম্রাজ্ঞী মহাবাণী ভিক্টোবিয়া ১৯০০ খ্রীষ্টাব্দত স্বর্গী হোৱাত, তেওঁৰ বৰপুত্ৰ সপ্তম এডোৱাৰ্ড ইংলণ্ডৰ মহাৰজা আৰু ভাৰতবৰ্ষৰ সম্রাট হয়। চাৰ হেৰি কটন, পেন্‌চনত যোৱাৰ দুবছৰৰ পাচত, খ্ৰীঃ ১৯০৪ চনৰ ডিচেম্বৰ মাহত, ভাৰত-কংগ্ৰেছ মহাসভাৰ সভাপতি হৈ অহাৰ ছেগতে, তেওঁ আকৌ এবাৰ অসম চাবলৈ আহিছিল। তেওঁৰ প্ৰজাৰঞ্জকতাৰ চিন্ স্বরূপ অসমীয়া ৰাইজে গুৱাহাটীৰ ‘কার্জুন-হ’ল’ত মাবুল পাথৰৰ কটন প্রতিমূর্ত্তি এটা খ্রীঃ ১৯০৫ চনৰ এপ্রিল মাহত প্রতিষ্ঠা কৰে। তেওঁৰ সৰ্বোচ্চ কীর্ত্তিস্তম্ভ ‘কটন কলেজ’ অসমত অদ্যাপি জিলিকি আছে।